裝修公司品味空間Taste Interior Design裝修壓死貓

發布時間：2024-10-09

最後更新：2025-08-06

品味空間壓死貓

品味空間裝修壓死貓

貓主Chris在2024年10月8日在Facebook群組「天下貓貓一樣貓群組」上發表長文，揭露其愛貓「阿布」因裝修失誤而發生電視牆壓死貓的慘死的悲劇。Chris的帖文附有多張圖片，包括阿布生前的照片、告別儀式的圖片，以及塌陷的電視牆櫃照片。

Chris在文章中表示，為了為其8歲的家貓提供更安全舒適的活動環境，他決定進行家居裝修。然而，工程完成後，廳中的電視牆突然倒塌，壓死了阿布。Chris直指裝修公司「敷衍了事，甚至在施工中連基本的螺絲都沒有安裝」。他並表示，裝修公司事後「連一個正式道歉都沒有」，還試圖將責任推卸給一名與其裝修無關的師傅，要求該名師傅賠償2萬元。

不幸被倒塌電視牆壓死的可愛阿布

這一事件引起了許多愛貓人士的關注，許多人前往涉事的裝修公司「品味．空間 Taste Interior Design」的Facebook專頁留言批評裝修殺死貓。

涉事公司隨後在Facebook上回應，指出「最近收到一宗懸掛式家具的反饋，報告提到發生了罕見的家具倒下事件，並有小動物不幸喪生」。為確保客戶安全，公司主動聯絡使用懸掛式家具的客戶，提供免費的安全檢查，並呼籲客戶如發現懸掛家具有搖晃、傾斜等不穩定情況，應立即聯絡公司。

品味．空間 Taste Interior Design 家具檢查通告

涉事室內設計裝修公司品味空間設計總監吳元輝拍攝影片回應事件，多次向涉事客戶公開道歉，並鞠躬表示歉意。他指出，從來沒有發生過類似事件，當公司收到通知後，立即派員到場了解情況，並打算提供傢俬重組及維修服務。然而，因客戶非常哀傷，拒絕了這些提議。吳元輝表示，安裝師傅當時也感到非常難過，並主動提出賠償2萬元。

品味空間設計總監吳元輝指出，公司一直與涉事客戶保持密切聯繫，目前仍不清楚意外的具體成因。客戶表示賠償金額未達到其要求，因此未能達成共識。事件發生後，公司的同事們也受到影響，出現失眠等情況。吳元輝強調，「沒有人想這次事件發生」，並希望客戶能繼續支持他們。

壓死貓電視牆只見兩口釘

回歸自然寵物善終服務告別儀式的阿布R.I.P.

原文：

裝修竟變慘劇愛貓命喪黃泉
返到屋企望住空蕩蕩的角落，我嘅阿布已經唔係度，一場裝修事故，奪走了我個女條命。我無辦法釋懷，我一直以為，我精心為她打造的「新屋企」係為她好，但係原來我嘅決定卻害死咗她。
我滿心歡喜咁決定為家裡裝修，本身想給阿布一個更安全、舒適的環境。她總愛到處跳，我希望她能有更多的活動空間，也能在家裡玩得更開心。我完全接受唔到我失去咗佢，我的錯誤殺死咗阿布，佢只可以無聲咁承受這場災難。
我無法原諒負責裝修既公司，作為「專業」的裝修公司，我覺得佢地應該知道點樣「正確」「安全」咁裝電視牆櫃，應該重視每一個細節，應該確保一切安全，但佢地無！佢地敷衍了事，甚至在施工中連基本的螺絲都無安裝，就係佢地既疏忽，我唔喺屋企嘅時候成幅電視牆喺冧咗落嚟，砸死咗我的阿布，今次依件事我相信絕對唔係偶然事故，而係明顯嘅施工錯誤，完全可以避免，但佢地的疏忽錯誤，而我嘅阿布就咁就死咗。
我更無法相信，事情已經這麼嚴重，裝修公司連一個正式道歉都無，淨係不停打電話同WA比我，只為提出一個毫無意義的解決方案── 「幫手換返個新櫃。」甚至在溝通過程中，佢哋隻字不提貓貓喪生，其實每次同佢哋溝通對我嚟講都係二次傷害，事故已經奪走了我嘅阿布，我的家人，見住個新嘅櫃，同見住殺我阿布嘅凶器喺屋企一樣，我完全無辦法釋懷，越諗越難受。
最過份嘅係，事發後搵一個與今次裝修工程無關，我們完全未見過的同事，同時他們找來年老的裝修師傅，同我地講裝修公司本身無問題，一切都係裝修師傅嘅錯！為了了結這件事，他們還要求裝修師傅賠償我們2萬港元！位裝修師傅我從來沒見過，究竟是什麼理由？一個裝修公司明明應該負責整個工程，點可以將成個責任全推俾一個師傅，然後自己全身而退？
這一切的痛苦同憤怒我都無法抹去，我應該點先可以為我隻貓取回公道？？唔通我隻貓就不值得被珍惜嗎？呢8年阿布由BB女到大個女，阿布係我屋企人，係我生命中重要一員，點解裝修公司可以毫無後果繼續運作，唔通因為受害者是係一隻貓？我唔希望其他家庭再經歷咁沉重嘅悲劇，我希望每一位朋友，喺裝修每一步都要格外謹慎，真心搵一間有良心既裝修公司，確保屋企人能夠在一個真正安全嘅屋企生活。我嘅阿布已經上咗天國，而我每個晚上都徹夜難眠，完全平復唔到心情，擔心屋企唔知邊個角落又會有意外發生，同時喺自責中入睡，我和太太亦需要看精神醫生，但我希望這次教訓能夠幫助其他貓咪和寵物主人，或者任何屋企有老人家、小朋友嘅人，避免同樣的悲劇重演。

Chris的帖文附有多張圖片，展示了阿布生前的可愛模樣、告別儀式的感人瞬間，以及塌陷的電視牆櫃的照片，讓人心痛不已。

Chris的帖文截至2024年10月9日早上11點：

有超過1.5萬人表示傷心
1820人對貼文作出留言回應
2798人作出貼文分享

品味空間Taste Interior Design

涉事室內設計裝修公司品味空間Taste Interior Design壓死貓裝修單位的裝修個案分享

涉事壓死貓裝修公司：品味．空間 Taste Interior Design裝修公司總監在Facebook表示致歉：

致：大眾朋友我們交代事件
生命絕對是寶貴，我們深感悲痛，對於意外事件表示最深切的哀悼，願 R.I.P 安息。
我們不會逃避 #正視事件：https://www.facebook.com/share/p/AVUeBj1oxoq5d71x/
希望事件能夠得到釋懷，並在未來能夠加強安全措施，保障每一位的安全。
品味。空間 Taste Interior Design

涉事室內設計裝修公司品味。空間 Taste Interior Design的帖文截至2024年10月9日早上11點：

有超過2122人表示憤怒
892人對貼文作出留言回應
97人作出貼文分享

網民對品味空間對裝修壓死貓的回應

品味空間Taste Interior Design對裝修壓死貓的回應好唔好？睇吓網民在其Facebook的留言回應：

成段片我聽到幾個重點：
- 強調以往一直都無同類事情發生，過往自己團隊有幾咁用心同努力。
- 調查唔到倒塌原因，我哋都有嘗試補償事主，只係事主唔滿意個賠償金額。
- 同行借題發揮抹黑我地。
- 咁樣叫道歉，我都係第一次聽。
- 唔怪之得事前要寫稿準備咁耐啦。

都冇解釋個電視版點解得兩粒螺絲咁少又冇爆入牆，成件事重點完全冇講，已經係逃避及轉移視線。衰多幾錢重。
離晒地，唔係唔接受個賠償金額，係唔接受生命同錢掛鈎呀，連個point係邊都唔知。係咁話想幫人再整番個櫃但人地唔肯，邊個仲敢俾你地整，想擺個炸彈係屋企唔知幾時爆？
解構返成段道歉嘅內容，道歉唔係咁道嘅：
- 1.只係將責任推畀安裝師傅，安裝師傅主動自己賠償兩萬，呢個代表安裝師傅有責任心，大家成年人都會諗到呢個戶主係嬲呢間設計公司冇負責任，證明你個人啲錢袋咗落去，連責任都唔付，唔畀返啲錢人哋，又無做任何實際嘢囉
- 2.不斷澄清自己係盡責冇發生過類似情況再次將問題推畀安裝師傅。
- 如果自己盡責點解會唔知道成件事點樣去安裝點樣去再三叮囑係點樣安裝
- 3.貨品嘅設計是否正常。
- 這種新樓廁所這幅牆係拼砌出嚟，懸空嘅吊櫃設計，在一個有力學概念嘅人，都會考慮到呢個設計同安裝方法需要怎樣做，這個事件表示這間公司的設計質素已經係唔能夠在設計這方面達標。
- 4.不斷提出戶主不想返回談判桌，一個人失去任何一個有感情關係嘅生命，你想人哋點理性去同你溝通呢，甚至你就想喺佢呢個最理性低嘅時候，捉佢錯處逃避責任，你在片中提出就等於，你冇同理心，不斷去抹黑戶主，可想而知因為你嘅行為令個戶主有幾委屈
- 5.一開始就話自己唔知道點解有呢件事情，即係代表你失職，沒有去做好監工同埋要注意嘅事項，大家網民一睇到張相就知道發生咩事，你仲話員工上咗去都唔知發生，咩事即係你哋嘅專業能力係有問題
- 6.設計公司職位嘅技能包括監工及統籌，根本大家睇相都知全部責任喺你度，你係有需要去check㗎嘛，成日講到好似戶主都有責任，成日話有打去同事主跟進問，咁即係你做過啲乜嘢呀
- 成條片都聽得出你講嘅全部都係空話呀，道歉又係低成本的行動，唔好話字面有冇講，畀到人哋嘅感覺根本就係由你嘅心地發出嚟，其他人唔係傻㗎，講埋啲門面說話去耍。
- 7.無啦啦提同行抹黑。
- 做咩無啦啦提呢件事啫，講嘢就要到題，你提呢件事真係代表點呀？係暗示而家全世界誤會咗你，用一個可憐這個角度想人被同情，呢啲招數好差喎，而家講到好似全世界嘅網民冤枉緊你喎
- 唔怪得知你平時畀人咁多指責都唔會澄清啦。
- 1.係你哋能力有職能問題。
- 2.係你哋道歉嘅態度有問題。
- 態度係點嚟㗎，就係你個心地，心地唔好就態度唔好囉，冇態度點樣去做好裝修呀，連做人都有問題。