教車師傅涉嫌性騷擾

教車師傅涉嫌性騷擾兼遲到早退放飛機

發布時間:2024-04-15
最後更新:2024-04-16

Wing Sum (2024年3月26日) 在Facebook 學車/學神/駕駛技術交流集中營 專頁投訴一名自稱「星遇Sir」的周姓教車師傅涉嫌性騷擾,指「周星」師傅經常遲到早退放飛機,在考試日臨時甩底沒有出現,結果導致事主車試不合格。事件在學車學神專頁公開後,網友們都為事主感到不平,同時支持事主投訴該周星教車師傅,並列入教車師傅黑名單。

Wing Sum對周星教車師傅的7項指控:

  1. 語言涉嫌性騷擾
  2. 經常臨時改學車時間和日子
  3. 遲到早走
  4. 不斷講粗口
  5. 不尊重學生
  6. 車內食煙又不讓人開窗
  7. 恐嚇要賠錢

教車師傅涉嫌性騷擾等劣行事件時間表:2024年4月15日

東張西望報導:學車少女控訴遇上不良教車師傅,遭遇對方粗言穢語對待及言語性騷擾?

教車師傅涉嫌性騷擾等劣行事件時間表:2024年4月14日

星島申訴王:少女學車疑遭性騷擾 教車師傅遲到早退考車日放飛機

星島申訴王報導

教車師傅涉嫌性騷擾等劣行事件時間表:2024年3月28日

Wing Sum在Facebook 學車/學神/駕駛技術交流集中營專頁發文表示運輸署早上有致電給她了解情況和表示知悉事件,而Wing Sum亦向平機會投訴被教車師傅在言語上性騷擾。事主表示自己真金白銀 (花費1萬6千多元) 學車,結果要受氣,非常氣憤,表示會尋求媒體公開事件。

“最新update” 各位 我依家搵緊傳媒了🙏🏼而且運輸署今日朝早都有親自打過俾我 佢地都有留意呢單野 而我亦都有去平機會投訴佢 言語性騷擾我 呢啲人我係唔會放過佢架 錢就佢賺曬 苦就我受曬 真係好唔順氣!

🙇🏻‍♀️之後落黎嘅野係希望大家可以幫幫手share出去 等多啲人可以睇到,各大傳媒都留意到🙏🏼

佢平時呃鐘講粗口係車食煙 我都可以算 但係學生考試當日甩底玩消失 事後完全無歉意 我真係無辦法原諒🙏🏼 至於我打算點 警方做唔到野 就我自己去搵各大傳媒 比更多嘅人知道 而家教車師傅 原來可以係學生考試嘅時候no show 要學生自己臨時諗辦法去借車考試

真金白銀比錢學車,仲要吞聲忍氣,憑咩受佢氣,呢啲教車文化真係恐怖,呢種教車師傅應該要被淘汰。

比咗錢唔係要受你氣,亦都唔係話比錢就大晒…

大家應該互相尊重先係

教車師傅涉嫌性騷擾等劣行事件時間表:2024年3月28日

事主指控教車師傅遲到早退放飛機時間表:

  • 12月25第一堂$660九龍塘(1.5hrs)
  • 1月4本身約左話壞車又cancel唔得
  • 1月9同14係自己病左學唔到
  • 1月23又話自己病左要取消
  • 1月26第二堂$660九龍塘(1.5hrs)
  • 2月2第三堂$660九龍塘 (1.5hrs)
  • 2月5又話自己有急事要取消
  • 2月6第四堂$660 九龍塘 (1.5hrs)
  • 2月7約12點 10:30話我知叫我唔好出嚟 話自己有少少病又要取消
  • 2月9第五堂$660 九龍塘 (1.5hrs)
  • 2月12第六堂$660九龍塘(1.5hrs)
  • 2月14第七堂$660葵興(1.5hrs)
  • 2月17話自己唔舒服要取消學車
  • 2月21第八堂$1320(3hrs) 葵興
  • 2月23第九堂$1320 (3hrs) 葵興
  • 3月2第十堂 $1320 (3hrs) 葵興
  • 3月7第十一堂(3hrs) 葵興
  • 3月8,9話自己唔舒服要取消9號話自己未 好返要取消
  • 3月12第十二堂 $660(1.5hrs) 葵興
  • 3月14第十三堂 7:30-10:30 (3hrs)葵興
  • 3月17第十四堂 5:00-7:15 $990 (2小時 15分鐘)何文田
  • 3月18話今晚真係要取消有事要回家
  • 3月21第十五堂 8:30-10:45 $990 何文 田
  • 3月24號 第十六堂4:00-8:30 $1980 (6節)!(4.5hrs)
  • 3月25號 第十七堂$660 (1.5hrs) 25號起碼遲左15分鐘先到8:45左右已經 停埋一邊鬧我!臨考嘅一晚都可以咁。遲 到又冇補過鐘俾我

平等機會委員會在3月28日確認收到投訴信和將評估個案:

平等機會委員會

運輸署致電事主了解事件:

運輸署致電事主了解事件

教車師傅涉嫌性騷擾等劣行事件時間表:2024年3月26日

Wing Sum在Facebook 學車/學神/駕駛技術交流集中營 專頁投訴一名姓周的教車師傅全文:

周x 遇師傅 電話:611x 68xx 車牌 YV 3xx5

唔公開佢真係對唔住自己 唔想俾佢 繼續出黎教車害人

唔好問點解咁傻 一開始唔換師傅 怪就怪自己一開始太懦弱太細膽 唔敢出聲 點都想等自己考完個刻先處理🥹

我今日3月26要係何文田忠義街11:55考試 本應今日朝早10點約咗喺九龍塘度學車 咁條pk 呢 8點51分 wts同我講部車有少少問題直接喺考場等,好。我8點58分wts 佢 覆佢咁係咪10點喺考試場地等? 佢秒讀咗我,我就一直搵佢佢一直唔覆機,玩野係到。去到10點45分 我就打電話俾佢 佢都係online 唔聽唔覆 11點41分終於覆機 打返比我 咁當然我無理佢唔覆佢 當時都準備緊考試唔想俾佢影響到心情

好好彩今日我可以臨時搵到個師傅借到架車俾我考試 真係好好彩🙏🏼 好多謝佢臨時臨急借架車比我考試,佢好好,好快教我點樣泊位調頭,又同我行左幾圈,揸俾我睇下。同埋教返我架車嘅運作,因為始終我本身唔係揸呢款車所以喺車上面嗰啲marking 都會好唔同。

1 )語言性騷擾我

講埋啲野好變態好咸濕

佢話「你咁靚女 係咪好多男仔追架 如果我溝你,做你男朋友有無得諗,你接唔接受到大過你嘅另一半,又話乜野你細細粒應該幾易食😎」平時完咗落堂我話byebye (即係循例講聲再見有禮貌)then落車,佢就問我可唔可以錫佢一啖。我真係呆撚左

2 )成日臨時放飛機 改時間改日子

約完啲時間 可以臨時個日話要cancel 一係話屋企有事一係話病左 我唔係唔比個時間出黎學車啊 一個禮拜我甚至學 3-4日都得 係佢唔得姐 約好哂佢走黎話唔得

我已經講到明就到考 佢都可以同我改日子

3 )呃鐘。遲到但係早放

佢早成15分鐘落堂都可以。比如我學730 佢有幾次都係遲幾分鐘/10分鐘先到 但係又唔會補返鐘俾我 擺到明呃我鐘 一次半次唔緊要 咁撚多次都係咁 一係就剩低少少時間拍埋一二邊 停車 (訓話)又可以係我學學下車去買野飲/停埋一邊俾佢去廁所時間嚟同我講嘢,嗌我一日學6節 即係四個半鐘,我問佢可唔可以上少一節,佢一句彈埋黎話(唔得!)咁我都無野好講啦我硬着頭皮都要去學車。

4 )學車不斷對我講粗口 粗口橫飛

問佢問題冇耐性唔耐煩 我係唔識先問 我如果咩都識晒,我唔使走嚟學車啦 我去做師傅啦佢見到我有啲位做得唔好就會開始用粗口鬧我,我明白我理解師傅見到啲學生做極都係錯嘅話會好冇耐性。但我覺得我咁樣都係因為佢,係佢問題定我問題,我肯去攞時間去學 但佢唔ok 仲話我練習唔夠?大佬佢都無攞個心出黎教好我 8成時間都係用粗口教我,睇死一個學生,我咩信心都無曬啦

5 )唔尊重學生

講粗口都不特止 話我阻住佢啲時間 我覺得 咁你米咪撚教 我大不了搵過第二個好過你嘅師傅教 點解一個學生會唔得?有6成都係睇師傅教成點 4成係自己天份技術 我自問係唔叻係唔勁啊 係學野比較慢 但起碼我肯學 佢話我唔專心 係到發夢無帶腦出街 我比佢鬧完 點L樣有心情揸車呀 佢會覺得次次都係我嘅問題 而佢自己做師傅嘅都無諗過自己有咩問題 每次我有做得唔好嘅時候 都要用粗口屌我 話我「係咪on9 」點解可以咁廢 咁蠢 我教一個60歲嘅阿婆都好過你 用好唔尊重嘅詞語話我 鬧我 去到我臨考嘅一晚 睇死我 佢親口同我講話「睇你都係唔會pass 架啦 ,聽日唔好去考啦不如」

我自己知自己事 起碼你收埋喺心唔好講出嚟吖嘛,點解要咁樣去打擊一個學生?我唔需要佢鼓勵我 同我講加油 佢無都算 但起碼唔使咁講嘢

6 )食煙唔俾開窗 每堂都會係我隔離食煙

食煙ok 我無問題 因為我有講過話接受到食煙 佢食煙 佢熄左冷氣 開窗OK冇問題 但係最撚有問題係 佢食煙淨係開自己個邊嘅窗 我見佢食煙咪開窗囉 dklm 佢屌9我 😭「唔可以!」 仲要好Q大聲!我呢世人最憎人大聲同我講嘢 驚死我聽唔撚到!我心諗做乜呀 你食煙唔開窗?之後有好幾次 佢唔開冷氣我都已經焗到暈暈地 個人好熱好唔舒服 本身個人身體已經好差 好易見暈 我真係未試過坐車咁辛苦 一路流汗一路揸

7 )唔知係想嚇我定咩

佢話佢自己識人 佢可以求其講一兩句說話都可以搞到我唔pass而佢係臨考前一晚 因為我睇位睇得唔太好 佢覺得我就黎hi花佢架車 佢就泊埋一邊鬧我 話「你聽日不如唔好考 慳返d 錢啦 你咁樣點考啊 你知唔知你整爛我架車要賠錢 我要時間整車 冇得接學生上堂嗰啲錢 你係要全部都賠返比我 」問我清唔清楚明唔明白 係咪敢冒呢個險 係咪負責到。

我覺得如果你咁驚我hi 花你架車 就咪撚攞架車出嚟教車啦 如果我真係搞到刮花佢架車 佢自己都一定有責任 佢正常係應該睇住我 而唔係耷低頭睇手機。

無開條柒頭個樣算係咁啦🥺都有幫佢遮下

p.s 大家都可能想知我考唔考到 or最後點😂 咁當然因為我真係俾佢影響太大 完全調理唔到個心情 最後係Pass 左乙部 肥左丙部啦😮‍💨

教車師傅涉嫌性騷擾

WhatsApp對話記錄

目錄