香港醫療真係好垃圾

香港醫療真係好垃圾?

發布時間:2024-05-17
最後更新:2024-05-17

香港醫療真係好垃圾?

2024年5月17日有市民在連登 (Lihkg) 發貼文,以「香港啲醫療真係垃圾」為標題分享了近期在政府醫院就診過程中的經歷。

話說事主在樓梯上跌倒後,腳踝、腰部和肩膀都受到撞擊,立即前往急症室求診。醫生只替他照了X光,診斷沒有骨折,僅接受了X光檢查和止痛針治療。盡管事主要求照磁力共振掃描 (Magnetic Resonance Imaging, MRI ),但醫生表示沒有骨折,不會提供MRI檢查,建議他去私家醫院檢查和照MRI。

事主遂選擇前往法國醫院門診部,被告知私家醫院不能驗傷,再回到急症室驗傷。而全身照MRI 連醫生費用報價差唔多3至4萬,十分昂貴。

最終,這名市民決定直接飛往韓國就醫。在韓國,他於入院後不到2小時內便完成全身檢查,並被確診為前韌帶和腓韌帶斷裂,需要立即進行手術治療。整個過程只花了1天便全部搞定,由於他的老婆是韓國人更享有韓國的國民保險,費用也遠低於在香港私家醫院的報價。

事主在韓國就醫的費用:

  • 全身MRI + 其他所有檢查
  • 手術費四萬蚊港幣 (有韓國國民保險)
  • 其他保險Claim返90%
  • 埋單大約四千幾蚊港幣左右

這起事件引發了對香港公共醫療系統的服務質量的質疑,亦凸顯了香港公立醫院的檢查和治療程序冗長,加上缺乏人性化服務,令需要醫療的市民陷入求醫得不到適切治療的困境,令不少香港市民寧願選擇到海外,甚至考慮北上就醫,反映香港公立醫院的醫療服務仍存在許多問題。

事主確診為前韌帶和腓韌帶斷裂:

香港醫療真係好垃圾

有網友表示是香港醫療制度問題

  • 公立醫院治療流程:痛–>食藥–>唔好–>照x光–>無事就繼續食藥–>再唔好–>做物理治療–>仲未好–>轉介去骨科–>到時有機會轉介照MRI。
  • 私家醫院治療流程:痛–>問你有無保險–>有–>即照MRI。

香港醫療真係好垃圾全文

香港醫療真係好垃圾全文如下:

前排起樓梯有人唔小心撞到我 碌咗落嚟 隻腳拗柴
整傷咗腳踭 腰 同膊頭位置

跟住之後去咗急症室 等咗10幾個鐘
個醫生淨係同我照X光
佢話啲骨冇事 打咗個止痛針
跟住我同個醫生講,我知道啲骨冇事
但係我腳踭位真係好痛 可唔可以同我照MRI
因為X光睇唔到啲咩 搵唔到痛嘅原因

跟住之後個醫生同我講 你冇骨折,唔會同你照MRI
要身體檢查去私家
如果你再痛就再打多次止痛針
原本照X光,淨係照咗隻腳
我有同佢講條腰同膊頭都痛
但係佢冇照 後尾又再搵返佢照 前後嘥多三個鐘

咁政府醫院冇希望去私家
咁首先選擇我係去法國醫院打算去睇門診
咁睇之前佢哋又話唔會幫我驗傷嗰啲
(因為我係樓梯俾人撞落去) 要驗傷嘅話去睇急症
咁我又同佢講我睇咗急症,但係佢哋幫唔到我
跟住睇完門診 佢哋話轉介去睇骨科
又要等個骨科醫生返工 約咗下個禮拜
咁跟住我問一問睇完骨科係咪有照mri ?
佢哋就答視乎醫生嘅回覆
不過即使照都有可能要等幾日
照完等報告又要幾日
同埋全身照MRI 連埋醫生費差唔多3/4萬

以上就係香港醫生嘅收費同服務

咁既然佢咁同我講

我只係自己訂咗機票即刻去咗韓國
落機之後自己去咗大醫院嗰度睇醫生
我搭凌晨機去 早上七點到韓國
8:30左右到醫院門口 9:00有得睇骨科醫生
10點到中午三點全身檢查 醫生直接建議我照MRI
左邊間房照 右邊間間房等一陣拎報告

醫生睇完報告之後 問我做咩咁遲先過嚟睇醫生
你應該痛咗一排 因為我腳既前韌帶 同 跟腓韌帶斷咗?
需要開刀做手術

所有檢查全部一日搞掂

我星期二到韓國星期二檢查完 星期三假期
星期四今日同我講費用同埋手術嘅過程
仲喺我面前畫畫解釋 佢哋會點樣做
星期五中午一點做手術

韓國醫院餐食:

香港醫療真係好垃圾-韓國醫院餐食
香港醫療真係好垃圾全文
你可能對「一個公院醫生嘅懺悔」沒有興趣
一個公院醫生嘅懺悔

香港醫療系統真係好垃圾

在Google搜索「香港醫療真係好垃圾」你會發現有不少有關香港醫療垃圾的負面貼文,以下是其中一篇以「香港醫療系統真係好垃圾」為標題的貼文:

琴晚我個台灣朋友上吐下瀉話去咗醫院睇急症
我問佢 吓咁你咪有排等
點知佢話登記完等兩分鐘已經打咗針 準備吊鹽水
我呆撚咗
因為我記得我有次又係嘔 去睇政府急症等撚咗七個鐘血到嘔埋出黎先幫到我睇
我個時已經冇曬力⋯⋯
仲有一次我暈咗(有病史) 個護士要我老豆等等先有醫生
我老豆即刻屌鬼 先搵到醫生出黎幫我睇
就算普通發燒去私家診所
閒閒地一早去排隊都等三、四粒鐘
唉,生係香港地,真係唔好病
排期等到死都未輪到

香港醫療系統真係好垃圾
連登花生指數 Lihkg Happy Index:on7 /10

連登仔表示:

  • 「跟住之後個醫生同我講你冇骨折,唔會同你照MRI,要身體檢查去私家」佢叫你出私家照MRI,你告佢乜?公立醫院排MRI要一年以上。
  • 睇唒你全部內容,好彩你自己有方法救自己,如果好似一般小市民,真係死咗都唔知乜事。
  • 你告佢咩,你有錢早就應該睇私家。
  • 私家佢唔同你驗傷 (如果你需要告人),佢一定要你去急症驗咗傷。
  • 上深圳睇幾百蚊搞掂,快靚正。
  • 非緊急mri公立一向都無得即照,自己比錢去私家照,就算英國 加拿大都唔一定會。
  • 咁你咪私家睇完再去急症驗傷,取埋份報告比公立醫生睇。
  • 深圳連醫療都屌打香港。
  • 我試係出面個啲醫療中心,睇個醫生同佢講咩事 邊度痛 想照MRI,然後即日都得照 都係係個啲醫療中心個度照,一個禮拜有報告覆診再傾點醫,你本身有保險?唔一定要去醫院先,利申:公院做 有野都係去出去睇。
  • 急症最多只會轉介你排骨科專科,建議mri係去到專科之後嘅事,結論,買定保險下次直接私家搞。
  • 香港醫療宗旨係病人唔死就得,臨死先再講啦。
  • 急症室不嬲淨係保fracture,mri就冇計,要排期,排到你都一年半載。
  • 今時今日留係香港地真係得自救。
  • 喺香港真係搵錢天堂,做吓詐騙 ,收吓租,壓迫啲平民,住就喺第二個國家住。
  • CT香港公立都要排半年至一年,MRI要年半以上,主要係mri貴,每間醫院得1部機,醫療資源又年年cut。
  • 1部……? 我有無睇錯,咁大間醫院得一部,香港有冇咁窮?啲錢去晒邊。
  • 嗰頭連登仔反泡菜醫生,呢頭吹奏泡菜醫療。
  • 唔照其實睇跌打有冇用。
  • 隨時一扭一捽發炎/軟組織傷口硬加嚴重咁就一世。
  • 韌帶斷跌打有得醫?唔係淨第睇骨咋咩?

目錄