一個公院醫生嘅懺悔

一個公院醫生嘅懺悔

發布時間:2024-05-03
最後更新:2024-05-03

對唔住,我都唔想三分鐘睇一個病人。

一個公立醫院醫生在2024年5月2日在H醫生香港日記IG發貼文,配上一張衝症實錄圖,顯示78分鐘內需要處理14個症,表示「對唔住,我都唔想三分鐘睇一個病人。」

三分鐘睇一個病人,公院醫生壓力有多大?

全文如下:

係HA做醫生,聽過病人講過最令我唔開心嘅說話,唔係「我要投訴你」、而係病人同我講「等就三個鐘、睇就睇得三分鐘」。

對唔住,令到你覺得好似得唔到應有嘅醫療照顧。不過事實上,我都好憎衝症、好憎要三分鐘趕病人出去、好好好憎一個朝早要睇廿幾三十個病人。千祈唔好以為我地三分鐘見完你係「hea睇」係偷懶,其實衝症係一件好辛苦嘅事,三分鐘睇一個先最辛苦 — 等我解釋一下。

每一節門診會預約左一定數量病人有一定帷大量醫生,例如四個醫生、一百個病人,總之你地清曬佢先好走。我地可以做耐啲唔食lunch,可以遲收工,但其他現實條件會迫我地嗰個時間內要清曬佢。可能係晏晝要交場比另一個部門、晏晝我地要開會要做手術、夜晚其他服務例如抽血X光會收工,或者就算我地肯遲放工,都無理由迫全部護士、文具、助理、清潔一齊遲兩個鐘完工,又或者我地肯睇到夜晚八點,病人等到八點都會鼓燥投訴。所以症就係咁多,我地幾個醫生就係有責任準時清曬佢。

咁如果我每個症用十幾分鐘慢慢睇、好好同病人傾計咁會點?

坦白講我自己會輕鬆好多,慢慢睇慢慢諗唔使咁大壓力迫得自己咁緊繃,唔使驚會易啲做漏做錯。但係慢慢堆積如山嘅牌板、水洩不通嘅等候大堂、話要投訴嘅病人,就會形成所有同事嘅壓力。我睇得慢,講得白啲,就係free ride緊我其他同事,迫佢地睇得再快啲,再唔係就會變成一齊攬炒,等到最後一個鐘,每人見到仲有十個牌板係枱面,先黎一齊狂衝。

所以,如果我用三分鐘睇完你,好多時候我唔係想懶,而係我燃燒緊自己嘅小宇宙,去追返緊個門診嘅進度,去幫輕一下同事嘅壓力。你千祈唔好以為係我懶,我懶嘅話,我大可以慢慢睇,等其他人幫我睇多啲。

「三分鐘睇一個症」一啲都唔輕鬆過癮,做漏睇漏任何一樣嘢,一樣小則被上司鬧大則比人投訴比人告。呢種壓力永遠唔會消失,只會衝得愈快愈大壓力。

等我分享一下「我的衝症日常」 —

其實我見你三分鐘,前前後後都有工作要做。

係嗌你入黎之前,先要讀曬你嘅病歷背景。人口老化之下,好多病人都有過五六七個重要病歷食緊四五六隻藥做過兩三次手術,我要用一分鐘去理解你嘅前世今生。如果我係一個盡責嘅醫生,仲會用多一分鐘,以摩打手嘅速度去整合更正你嘅病歷史,等下一個見你嘅醫生唔使睇得我咁辛苦。然後再用三十秒去掃視一眼你今日抽嘅血報告,用十秒去理解當中任何異樣同決定下一步點做。

呢個時候,我就可以㩒掣請你入黎。

因為我知道由我㩒掣、到廣播、到你起身行入黎、閂門,有一分鐘嘅時間 — 呢一分鐘時間,啱啱好夠我睇完你上星期照嘅電腦掃瞄報告。

我請你坐低,介紹自己,對你身份證號碼,我知道呢到會用我三十秒。

而呢三十秒,我把口講嘢嘅同時,我隻手就碌緊個掃瞄影像,隻眼碌左幾碌確認完影像,而我同意放射科醫生嘅報告講法。

我知道好多病人覺得我地醫生冇花好多時間問症問病徵、做身體檢查。但坦白講,現代西醫愈黎愈倚重客觀化驗、影像。所以即使未開始「睇你」,我地都大約心中有數,我要做啲乜。接下來嘅三分鐘,我一輪嘴搬出我想同你解釋嘅我嘅方案,同時祈求上天你同我講嘅嘢同我想聽嘅一樣,等我可以準時係三分鐘內完成呢一個回合。

假設一切順利,冇大問題,三分鐘後請你出去我依然要用多一分鐘整理診症紀綠,確保冇寫漏我想護士跟進嘅嘢,再同你係電腦book你之後要嘅檢查。

即使你覺得我用得三分鐘睇你,我其實係挑戰緊用前後八分鐘去理解你嘅前世今生,然後點幫你嘅未來。

我成日都想同病人講,如果我同三分鐘睇你,你應該開心。

我用三分鐘,係因為我跟據知識同經驗判斷,相對地放心你冇嘢,如果唔係,做漏嘢睇漏嘢,比人告嘅都係我。

令一個原因要我衝十個三分鐘嘅症,係為左我可以好好咁睇嗰一個廿分鐘嘅症。信我,你唔想自己係嗰個比我留廿分鐘比你嘅病人。

我永遠唔會知我下一個牌板開出黎,會唔會係大鑊嘢。可能我衝左幾個冇事嘅長期覆診,下一個病人,一開出黎,掃瞄就話我知確診癌症,需要盡快開刀做手術。

呢啲時候,我就知道,我要慢返少少落黎 — 我自己仍然有嘅最少堅持係,就算再忙再趕都好,同一個病人break bad news話你知你生cancer,我點都會拖慢少少黎講,「今日返黎睇報告,都想你地有個心理準備,唔係一個咁好嘅消息。你地睇下呢度有個陰影⋯⋯⋯」

或者都唔係最理想嘅詳細程度,或者我有得揀可能同你傾一個鐘都唔過份。但係公立醫院嘅框架下,相信我,你有需要嘅話,我始終會擺多少少時間落黎。

只係,我希望你唔需要。

分享以上呢啲,我唔係想為自己搵藉口,我知咁樣睇症係會miss嘢係會打錯嘢,我知病人依然想得到更多應有嘅照顧同關懷。

只係,醫患關係係好重要,但好多時候病人不滿醫生,可能只係誤會,你唔知道我係見你前後所做嘅事;或者你以為我衝症係hea,你唔知道我衝症只係因為我冇得揀,唔知道我一慢就累其他醫生,唔知道有啲病人情況更慘需要我留返少少時間比佢地。

大家都同一屋簷下,係呢個大家都知道搖搖欲墜嘅公營醫療危樓之中,無論醫生護士病人,都多啲互相了解體諒,針對返制度問題嘅根本,或者就會好少少。

各位病人,委屈左你,對唔住,我地會再努力。

— 一個公院醫生嘅懺悔

來源 :H醫生香港日記ig

公院醫生三分鐘睇一個病人
連登花生指數 Lihkg Happy Index:on9 /10

連登仔表示:

  • 得架喇,明架喇,要加人工係咪?
  • 引入醫生你又點睇。
  • 3分鐘咁耐?睇私家醫生1分鐘就趕你走啦。
  • 講真無問題,前提係應該好似私家醫院咁,另外搵個地方係專for大陸醫療專才,咁鐘意私家就搵私家,要搵專才就搵專才。
  • 睇私家專科,個醫生會夜晚WhatsApp你跟進病情,俾貴咁多係有理由。
  • 加夠100萬一個月。
  • 問題係濫用嘅太多,有啲明明中產都唔肯自己揞荷包睇私家,霸住啲公共資源。
  • 請你支持大大增加醫科新學位。
  • 好慘 好心政府就免試引入內地醫生,分擔下香港可憐既醫護既工作壓力。
  • 一個dc9 的孅悔:其實我都好想過海。
  • 咁多時間打大篇野 睇多幾個症仲好啦。
  • Respect 工作果個人,專業 我都好敬佩睇我既公立醫生,有事果陣比私家更有耐性。
  • 政府有咁多數據,應該知咩類人濫用。
  • 急症室收費加幾多都冇用,班老綜點都係免費。
  • 留得係公家都係有心人。
  • 陣間又話引入專材。
  • 咁有咩壓力,要三分鍾睇一個。
  • 收皮啦,到時真係放寬收生你咪又喺度嘈。
  • 屌你班吸血鬼 死都唔加醫生名額,用香港人既睇醫生錢黎發大財。
    「本港缺乏醫生人手是不爭的事實。以人均醫生比例而言,香港目前每1,000名人口有兩名醫生,遠遠落後於其他先進經濟體,包括新加坡(2.5名)、日本(2.5名)、美國(2.6名)、英國(3.0名)和澳洲(3.8名)。」
  • 食屎啦去 講到尾醫委會同大學收生不足做成,又想拎光環 ? 好撚心啦,Covid 個時,有班醫畜係診所寫住「發燒唔睇」,香港有難就睇到你班含家產,而加又想光環 ? 咪咁噁心啦,掟左個牌去英囉。
  • 到加學位果時咪又係反對醫畜收皮la。
  • 打呢篇野嘅時間,又多一個病人失救。
一個公院醫生嘅懺悔連登仔表示

公立醫院醫生人工

以下是公立醫院和私人執業醫生薪資的差異:

公立醫院醫生人工:

根據政府的薪酬規定,各職級公立醫院醫生的人工大致如下:

  • 醫生(MO):
    • 總薪級表第32點:$70,465
    • 總薪級表第33點:$74,120
    • 總薪級表第34點:$77,775
    • 總薪級表第44B點:$121,790
  • 高級醫生(SMO):
    • 總薪級表第45點:$117,580
    • 總薪級表第46點:$120,900
    • 總薪級表第47點:$124,230
    • 總薪級表第48點:$128,110
    • 總薪級表第49點:$135,470
  • 首席醫生(PMO):
    • 首長級薪級表第1點:$150,950
  • 顧問醫生(Consultant):
    • 首長級薪級表第2點:$179,350
    • 首長級薪級表第3點:$214,230
    • 首長級薪級表第4點:$251,100

私人執業醫生薪資:

  • 私人執業醫生的收費由自己訂定。
  • 著名的私人執業醫生收取較高的診金。
  • 一些知名的私人執業名醫每月的薪資超過百萬。

公立醫院醫生的薪資水平相對較固定,而私人執業醫生的薪資則取決於其知名度和收費政策。私人執業名醫往往可以獲得更高的薪資收入。

香港醫療制度問題

根據張建宗2021年5月23日在網誌發表的「改善醫療 刻不容緩」文章,重點整理如下:

改善醫療 刻不容緩

  • 本港醫生人手嚴重短缺
    • 公營醫療系統長期超負荷
    • 專科服務輪候時間頗長,部分需求輪候時間超過兩年
    • 醫護人員疲於奔命,影響醫療服務質素
  • 政府提出解決方案
    • 提交《2021年醫生註冊(修訂)條例草案》
    • 開闢新途徑,讓合資格且為香港永久性居民的非本地培訓醫生在香港執業
    • 希望立法會及社會各界全力支持
  • 公營醫療服務需求增加
    • 醫院管理局和衞生署欠缺共710名專科醫生和準專科醫生
    • 醫管局專科門診求診人次增加約84萬
    • 住院日次增加至820萬
    • 需求極殷切的專科輪候時間超過兩年
    • 衞生署兒童體能及智力測驗服務有十個專科醫生空缺,空缺率為40%
  • 醫生人手嚴重短缺
    • 香港每1,000人口只有兩名醫生,遠遠落後於其他先進經濟體
    • 醫療人力推算顯示長期持續短缺,到2030及2040年,分別會短缺1,610名和1,949名醫生
  • 醫生人手問題:
    • 增加本地學額無法解決問題
    • 需考慮引入合資格非本地培訓醫生
    • 需另闢途徑,讓他們取得正式註冊資格
  • 公共醫療服務改善:
    • 挽留醫管局醫生
    • 促進公私營協作計劃
    • 十年醫院發展計劃提升硬件設施
    • 推動基層醫療
  • 第一個十年醫院發展計劃:
    • 進展項目包括增加病床和手術室
    • 14項工程計劃已提升為甲級
    • 第二個十年醫院發展計劃籌備中
  • 第二個十年醫院發展計劃:
    • 預算費用為2,700億元
    • 包括新醫院、社區健康中心和現有醫院的重建或擴建
    • 可增加逾9,000張病床和其他新增醫療設施

前政務司司長張建宗2021年5月23日在網誌發表的「改善醫療 刻不容緩」文章

文章來源:政府新聞網

目錄